கூசும் அறிவு

பால்கனி

கிராதிக் கம்பிகளின் மீது

தத்தியும் தாவிக் குதித்தும்

முகம் காட்டி

விளையாடிய போது

இனம்புரியா

கொண்டாட்டம்

என்

மனதிற்குள்

விகசிக்கும்

நேரம்

போவதறியாமல்

அவற்றின்

கோமாளி

கூத்தழகை

ரசித்தபடி

எனை மறந்து

கிரங்கிக்

கிடந்திருக்கிறேன்

பொசு பொசு

உடலும்

முக்கோண

வடிவில்

அம்புக் குறி போல்

தோன்றும் முகத்துடன்

மின்னல் வேகத்தில்

முன்னோக்கி

நகர்ந்தோடும்

அவற்றின்

உடல்மொழியும்

குழந்தைகளின்

செல்லச் சிணுங்கலை

சீண்டல் குறும்பை

நினைவு படுத்தும்

வெறுக்கவே

முடியாத

அவற்றின்

வினோதம்

நனவிலி

மனதின்

இடுக்குகளுக்குள்

ஊடுருவி

கிச்சு கிச்சு

மூட்டும்

உணர்வின்

சிலிர்ப்பில்

அறிவு கூசும்

சிரிப்பு முட்டும்

ஒரு காலை நேரத்தில்

அது நடந்தது

பால்கனி வெளியில்

மறந்து வைத்துவிட்ட

பழம் புத்தகம்

நீண்ட நெடிய

வாழ்வின் வாசனை

பொதிந்து

பழுப்பேறிய

பக்கங்கள்

கீறிக் கிழித்து

சிதைக்கப்பட்ட

துண்டுகளாக

சிதறிக் கிடந்தன

காலத்தின் சுவடுகள்

விழுமியங்கள்

அனைத்தும்

பொருளற்ற

துகள்களாகி

காற்றில்

பறந்தன

பால்கனி

கிராதிக் கம்பிகளில்

குதியாட்டம்

போட்டுக் கொண்டிருந்த

அணில்களின்

எக்காளத்தை

இப்போதெல்லாம்

என்னால்

ரசிக்க முடியவில்லை.

Comments

கொலைகாரன்

செல்பேசி இணைப்பை அவன் துண்டித்த வேகம் என்னைப் படபடக்க வைத்தது அவனுக்கும் எனக்கும் இடையே கோபப்பட காரண காரியங்கள் ஏதுமில்லை மனம் வெறுமையாகும் போது காரணமின்றி அவனை அழைப்பேன் நான் எதிர்பாராத விளக்கம் ஒன்றைக் கூறி திடுக்கிட வைப்பான் அதுவே அப்போதைக்கு எனக்கு போதுமானதாக இருக்கும். புரை ஏறுதலை நிறுத்தும் பொய்யதிர்வைப் போன்ற விசித்திரமான சிகிச்சை அது சொல்லப் போனால் அன்று அவனை அழைக்க ஒரு காரணம் இருந்தது விடாத பின் கழுத்து வலி குறித்து அவனுடன் பகிர்ந்து கொள்ளும் ஆயாசத்துடன்தான் அழைத்தேன் வலி பற்றி விவரித்தேன் வலியின் அனுபவங்கள் அவனுக்கும் இருந்தது மருத்துவர் ஒருவரைப் பரிந்துரைத்தான் அழைத்த போது அவர் வேலையாக இருந்தார் பின்னர் மருத்துவரும் அழைக்கவில்லை நானும் அழைக்கவில்லை வலி தொடர்ந்தது ஆனால் அவனை நான் மீண்டும் அழைத்தேன் மருத்துவரிடம் பேசினாயா? ...

மக்காத ஓலைகள்

இன்று விசுக்கென்று வந்துவிட்டது அந்த இடம் நீண்ட தூர சைக்கிள் பயணத்தின் பிறகு அதைக் கண்டடையும் போது உள்ளத்தின் சிறகுகள் வானளாவ விரிந்து படபடக்கும் வியர்வையில் நனையும் புன்னகை மின்னி மிளிரும் காராஞ் செடியும் சூராம் பழமும் கொண்டையும் குஞ்சமுமாய் குலுங்கும் பஞ்சவர்ணப் பூக்களும் மஞ்சள் வண்ணத்தில் ஆங்காங்கே பூத்து கூடி நின்று குதூகலித்து பேசிச் சிரிக்கும் ஆவாரம் செடிகளும் இன்னும் பெயர் அறியா தாவரங்களும் தங்கள் மூச்சணுக்களைக் கலந்து பிசைந்து காற்றுக்குள் பொதிந்தனுப்பும் அந்த வாசனைக்கு என்ன பெயர்? வெயிலின் மீதேறி வந்தெமைத் தழுவிய அந்தச் சுகந்தத்தை இன்றுவரை வேறெங்கும் என்னால் நுகர்ந்துணர முடியவில்லை அதோ வந்தாச்சு ஒற்றைப் பனை பள்ளிக்குச் செல்லும் தூரத்தின் சரிபாதியை கடந்த நிம்மதி இனி உற்சாகம் கரைபுரளும் கால்கள் வேகமெடுக்கும் சைக்கிள் சக்கரங்கள் காற்றில் மிதக்கும் பள்ளி செல்லும் வரை பற்கள் மூ...

எங்கே அந்தச் சூரியன்?

(தாகம் இதழுக்காக 2017 ஆம் ஆண்டு எழுதப்பட்ட கட்டுரையின் முழுமையான வடிவம்... உடன்பிறப்புகள் கலைஞருக்கு எழுதுவதாக அமைந்தது) ‘அ ம்பாள் எப்போதடா பேசினாள்… அறிவு கெட்டவனே…’ ‘ராமர் எந்தக் கோவிலில் பொறியியல் படித்தார்’ இந்தக் கேள்விகளை இந்தியாவில் உள்ள எந்தத் தலைவனாலாவது இன்று கேட்க முடியுமா? புராண, இதிகாச பொய்களைக் கட்டவிழ்த்து விட்டபடி, சுவாமி… நாதா… என்று பிதற்றிக் கொண்டிருந்த தமிழ் சினிமாவின் உச்சி மண்டையில் அடித்து நீ எழுப்பிய அந்த முதல் கேள்வியில் பழமைவாதிகள் நிலைகுலைந்ததை பழங்கணக்கெற்று ஒதுக்கிவிட முடியுமா? அதற்குப் பிறகு சுமார் 50 ஆண்டுகள் கடந்த பின்னர், பகுத்தறிவுக் காரமும், தீரமும் சற்றும் குறையாமல், சேதுசமுத்திரத் திட்டத்திற்கு எதிராக ராமர்பாலம் என்ற கற்பனையை முன்வைத்த இந்துத்துவ மூர்க்கர்கள் இடிந்து போகும் வகையில் நீ எழுப்பியதுதானே அந்த இரண்டாவது கேள்வி. தமிழ்ச் சமூகத்தை, பொய்ம்மைகளின் மயக்கத்தில் இருந்து விழித்தெழ வைத்து, அறிவு வெளிச்சம் பெருக்கெடுக்கும் பெருவெளிக்கு இழுத்து வர வேண்டும் என்பதற்காக இதே போன்ற எத்தனையோ கேள்விகளை எழுப்பிக் கொண்டே இருப்பாயே? இப்போது ...

மேனா. உலகநாதன்

Search This Blog